NursingNetUK

Trosolwg o'r swydd

MAE’R SWYDD HON AM GYFNOD PENODOL/SECONDIAD AM 12 MIS OHERWYDD CWRDD GOFYNION Y GWASANAETH

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

Mae cyfle cyffrous wedi codi i Weithiwr Cymorth Theatr ymuno â’n Tîm Theatr yn BIAP, gan weithio fel rhan o dîm deinamig i ddarparu gofal cynhwysfawr o ansawdd uchel. Bydd deiliad y swydd yn gweithio fel rhan o’r Tîm Nyrsio a’r Tîm Cyn Llawdriniaeth dan arweiniad a goruchwyliaeth y nyrs gymwys neu Ymarferydd Adran Triniaethau. Mae'r rôl yn sicrhau gofal a diogelwch nyrsio o safon uchel i'r holl gleifion neu ddefnyddwyr gwasanaeth yn adran y Theatr. Mae hon yn swydd tymor penodol am 12 mis a'r prif leoliad yw Ysbyty Llandrindod. 

Prif ddyletswyddau'r swydd

Cyfrannu at asesu anghenion gofal a gweithredu a gwerthuso rhaglenni gofal, cymryd rhan a chyfrannu at yr agenda llywodraethu clinigol ehangach gan gynnwys datblygu gwasanaethau a gweithio hyblyg i ddiwallu anghenion y cleifion a'r gwasanaeth.

Gweithio mewn maes amlddisgyblaethol ac amlasiantaethol ochr yn ochr ag aelodau eraill o'r timau sylfaenol a chymunedol. Mae hefyd yn ofynnol i oruchwylio staff iau a gweithio'n rheolaidd heb oruchwyliaeth uniongyrchol nyrs gymwys neu Ymarferydd Adran Triniaethau.

Gweithio i'n sefydliad

Disgrifir Powys fel lle hyfryd i fyw ac i weithio; lleoliad iechyd yn y cefn gwlad lle gallwch ddatblygu yn bersonol ac yn broffesiynol, a lle mae’r cleifion yn ganolog i’r ddarpariaeth. Os ydych chi’n weithiwr iechyd proffesiynol yn chwilio am bodlonrwydd yn eich gyrfa, yna Powys yw’r lle. Beth bynnag yw eich dyheadau gyrfa, rydym yn ymrwymedig i’ch cefnogi a’ch datblygu.

Mae Bwrdd Iechyd Addysgu Powys yn gyfrifol am fodloni anghenion iechyd a lles poblogaeth Powys. Powys yw’r sir fwyaf yng Nghymru, ac o Eryri yn y golgedd i’r Bannau yn y de, mae’n un o’r harddaf hefyd. Drwy weithio mewn partneriaeth rydym yn comisiynu, ac wedi ennill gwobrau am ddarparu, gofal mewn ysbytai, yn y gymuned, iechyd meddwl, a gwasanaethau anableddau dysgu, felly mae’n porffolio’n eang ac amrywiol. Rydym yn falch o gynnig gofal heb ei ail i’n cleifion ac ystod o yrfaoedd i bobl sydd eisiau gwneud gwahaniaeth go iawn.

Oeddech chi’n gwybod – Mae Bwrdd Iechyd Addysgu Powys yn derbyn ceisiadau i ymddeol a dychwelyd o fewn GIG Cymru. Os hoffech wybod rhagor, cysylltwch â thîm y gweithlu Bwrdd Iechyd Addysgu Powys ar 01874 712580 neu [email protected]

Mae Step into Health yn cysylltu cyflogwyr yn y GIG â phobl o gymuned y Lluoedd Arfog.

Croeso i ymgeiswyr ymgeisio yn y Gymraeg, ni chaiff cais yn y Gymraeg ei drin yn llai ffafriol nag un yn y Saesneg.