NursingNetUK

Trosolwg o'r swydd

Bydd deiliad y swydd yn gweithio fel rhan o dîm staff nyrsio ar ward a bydd gofyn iddo/ iddi wneud amrywiaeth o dasgau wedi’u haseinio sy’n galw am ofal uniongyrchol ac anuniongyrchol er budd y claf, gan gefnogi Nyrs Gofrestredig a fydd yn ei (g)oruchwylio. 

Gweithio’n unol â fframwaith cymwyseddau craidd a bydd disgwyl cyflawni amrywiaeth o ddyletswyddau nyrsio sylfaenol i gleifion, sef dyletswyddau sydd â chysylltiad clir â lleiafswm gofynion hyfforddi sy’n darparu cymhwysedd i arfer.

Bydd gofyn gwneud amrywiaeth o dasgau wedi’u haseinio, gan gymryd rhan mewn cyflawni dyletswyddau nyrsio sylfaenol dan oruchwyliaeth Nyrs Gofrestredig.

Prif ddyletswyddau'r swydd

Gan weithio fel rhan o dîm ar ward, cynorthwyo â chyflenwi gofal nyrsio o safon uchel, gan ymddwyn mewn modd proffesiynol bob amser.

Cynorthwyo â rhoi maeth a dŵr digonol i gleifion unigol, yn unol â 
chyfarwyddyd y Nyrs Gofrestredig. Cymryd rhan mewn monitro bwyd a 
chwblhau dogfennaeth yn fanwl gywir.

Cynorthwyo â sicrhau bod ardal y ward yn cael ei chadw’n lân ac yn daclus, e.e. cymryd rhan mewn gwaith cadw tŷ cyffredinol, gan lynu at ganllawiau wrth gael gwared â llieiniau budr ac ati, yn unol â pholisïau’r Bwrdd Iechyd.

Cyfathrebu’n ddyddiol â chleifion a pherthnasau, staff y ward ac ymwelwyr â’r ward, gan defnyddio modd cwrtais, llawn parch.

Cyfathrebu’n effeithiol â chleifion, trafod telerau gofal gan ddefnyddio tact a sgiliau perswadio, a goresgyn unrhyw rwystrau rhag deall e.e. cleifion dall neu fyddar, y rheini ag anawsterau lleferydd.

Defnyddio sgiliau cyfathrebu effeithiol ar y ward/ yn yr adran a chydag aelodau o’r tîm, cleifion, perthnasau a phersonél o adrannau eraill.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.