Trosolwg o'r swydd

Mae cyfle cyffrous wedi codi i Nyrs Golposgopydd arwain ein gwasanaeth colposgopi yn BIAP. Dylai fod gan yr ymgeisydd delfrydol wybodaeth a phrofiad o weithio o fewn gwasanaethau colposgopi, sgiliau cyfathrebu rhagorol a meddu ar wybodaeth gynhwysfawr o ofynion sgrinio cenedlaethol a osodwyd gan raglen sgrinio serfigol y GIG yng Nghymru.

Prif ddyletswyddau'r swydd

Fel Colposgopydd ac Ymarferydd Uwch, bydd deiliad y swydd yn rheoli ei lwyth achosion ei hun, yn darparu gwasanaeth colposgopi annibynnol ac ymgymryd ag uwch ddiagnosteg dan arweiniad ymarferydd. Byddant hefyd yn gweithredu rôl therapiwtig gan ddefnyddio dyfarniad clinigol datblygedig iawn a gwybodaeth arbenigol iawn o'r arbenigedd cymhleth hwn. 

Byddant yn darparu arbenigedd clinigol a chyngor a chymorth arbenigol ar draws sbectrwm cyfan yr arbenigedd. Fel ymarferydd uwch bydd deiliad y swydd yn meddu ar gofrestriad ac achrediad gan Gymdeithas Brydeinig Colposgopi a Phatholeg Serfigol (BSCCP), ac yn gyfrifol am gynnal a gwella gofal o ansawdd uchel i fenywod yn y lleoliad colposgopi. Bydd gan ddeiliad y swydd sgiliau cyfathrebu hynod ddatblygedig, bydd yn fedrus ac yn brofiadol wrth feithrin perthnasoedd rhyngbersonol ac yn dangos y gallu i ennill cefnogaeth a chydweithrediad eraill. Bydd yn derbyn ac yn gweithredu ar wybodaeth gymhleth a gynhyrchir yn y rhaglen sgrinio ac yn rhoi cyngor ar reoli a dilyn menywod ymhellach o fewn y gwasanaeth colposgopi. Bydd hyn yn cynnwys rheolaeth glinigol, gwyliadwriaeth a chamau dilynol, yn seiliedig ar ddehongli gwybodaeth glinigol. Disgwylir i ddeiliad y swydd ddarparu cyngor clinigol arbenigol yn y tîm amlddisgyblaethol a defnyddio system gwybodaeth rhwydweithiau canser Cymru gyda’r rhaglen sgrinio serfigol.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.