NursingNetUK

Trosolwg o'r swydd

Byddwch yn darparu cymorth, cefnogaeth a gofal bydwreigiaeth i fenywod a’u teuluoedd yn ystod cyfnodau cyn beichiogi, cynenedigol, yn ystod genedigaeth ac ôl-enedigol, o fewn ystod o leoliadau, gan gynnwys clinigau, canolfannau geni ac yng nghartref personol y cleient.

Yn ogystal a hyn, byddwch yn gyfrifol am ddarparu ystod lawn o gyngor iechyd, addysg a gofal cymdeithasol i fenywod o fewn model gofal integredig sy'n cwmpasu cyfnodau cyn beichiogi, cynenedigol, yr esgor, geni ac ol-enedigol.

Prif ddyletswyddau'r swydd

Ydych chi’n frwd dros fydwreigiaeth? Ydych chi am defnyddio’ch holl sgiliau bydwreigiaeth? Yna mae’n bosibl mai gwasanaethau mamolaeth Ystradgynlais ydy’r lle iawn i chi.

Oherwydd datblygiad cyffrous yn y gwasanaeth mamolaeth, rydyn ni’n edrych am fydwraig llawn cymhelliant i ymuno a’n tîm bydwreigiaeth yn Bank 

Rydyn ni’n edrych am fydwraig band 6 i weithio 37.5 awr yr wythnos yn swydd barhaol ac ni’n cynnig pecyn cynefino cynhwysfawr. 

Byddwch chi’n ymuno â gwasanaeth sydd ag un o’r cyfraddau geni yn y cartref uchaf yng Nghymru, cyfradd geni ffisiolegol uchel a’r gyfradd bwydo ar y fron uchaf yng Nghymru.  Byddwch chi’n cefnogi menywod sy’n dewis esgor yn un o’n 6 chanolfan geni annibynnol, gyda 5 ohonyn nhw’n darparu cyfleusterau geni mewn dŵr.

Byddwch chi’n darparu ac yn cydlynu gofal cynenedigol ac ol-enedigol ar gyfer gofal dan arweiniad bydwragedd a dan arweiniad ymgynghorwyr.

Fel gwasanaeth, rydyn ni’n frwd dros gefnogi datblygiad proffesiynol parhaus bydwragedd a rhoi’r cyfle i fanteisio ar hyfforddiant sydd wedi ennill gwobrau yn ystod eich cyflogaeth.

Mae’r gallu i siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu Saesneg ymgeisio.

 

 

 

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.