NursingNetUK

Trosolwg o'r swydd

Mae'r swydd hon yn swydd Cyfnod Penodol / Secondiad tan 27/12/24

Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Mae hwn yn gyfle gwych a chyffrous i arbenigo eich sgiliau mewn Hyfywedd Meinweoedd yn y gymuned. Rydym yn chwilio am unigolyn profiadol ym maes gofalu am glwyfau, a hoffai arbenigo mewn gwaith yn y gymuned yn Llanelli.

Bydd deiliad y swydd yn aelod annatod o'r Tîm Nyrsio Cymunedol, gan ddarparu cyfraniad proffesiynol a chlinigol arbenigol o ran gofal nyrsio a rheoli cleifion â chlwyfau cymhleth yn y gymuned. 

Bydd deiliad y swydd yn hwyluso datblygiad perthnasol o ran arfer yn unol â safonau, canllawiau ac arfer gorau cenedlaethol, a hynny trwy arfer clinigol, arweinyddiaeth, addysg, ymchwil ac archwilio sy'n adlewyrchu'r amcanion llywodraethu clinigol cydweithredol.

Bydd deiliad y swydd yn aelod annatod o'r tîm amlddisgyblaethol ehangach ac yn hyrwyddo gofal clinigol effeithiol a chosteffeithiol.

Mae'r swydd yn gofyn am sgiliau cyfathrebu rhagorol, ymagwedd hyblyg tuag at waith a sgiliau rheoli amser da. Mae sgiliau TG da yn hanfodol.

Bydd yn ofynnol bod deiliad y swydd yn gallu teithio rhwng safleoedd mewn modd amserol.

Prif ddyletswyddau'r swydd

Bydd deiliad y swydd yn gweithio'n agos gyda'r Tîm Rheoli Meddyginiaethau a Hyfywedd Meinweoedd o ran addysgu staff yn y sector gofal cymunedol, gan hyrwyddo cydsyniad â llyfr fformiwlâu gorchuddion BIHDd.

Gweithio fel rhan o'r Clinig Wlserau Coesau Cymunedol a hyrwyddo'r Llwybr Wlserau Coesau/y Goes Wlyb yn y gymuned.

Cefnogi'r Timau Nyrsio Cymunedol yn y Gwasanaeth sy'n gofalu am gleifion â chlwyfau yn y gymuned.

Defnyddio arbenigedd a sgiliau clinigol i asesu anghenion unigol cleifion, ac i addysgu a rhoi cyngor ymarferol ar sut i reoli eu triniaethau.

Argymell gorchuddion ar gyfer clwyfau a chynghori ar driniaethau yn unol â 
deddfwriaethau presgripsiynu gan nyrsys a phrotocolau'r Bwrdd Iechyd.

Gweithio tuag at ddatblygu cynigion arloesol a modern ar gyfer diwallu anghenion gofal y grŵp cleientiaid hwn.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Cynhelir y cyfweliadau ar 17/07/24

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.