NursingNetUK

Trosolwg o'r swydd

A ydych yn teimlo'n angerddol ynghylch darparu gofal o ansawdd uchel i gleifion yn y gymuned? A fyddech wrth eich bodd yn gweithio yn sir brydferth Sir Benfro? Mae gennym gyfle cyffrous i weithio yn ein gwasanaeth Nyrsio Ardal yn rôl Fflebotomydd Cymunedol.

Bydd y swydd hon yn cynnwys ymweld â chleifion yn eu cartref, ar eich pen eich hun, i gasglu samplau gwaed, labelu a throsglwyddo samplau, a llenwi dogfennau perthnasol. Mae profiad o dynnu gwaed a'r gallu i deithio o amgylch y sir mewn modd amserol yn hanfodol ar gyfer y swydd hon.

Bydd yr ymgeisydd llwyddiannus yn gweithio mewn tîm, gan gyfathrebu â chleifion a'u teuluoedd ac adrodd i uwch-staff ac aelodau eraill o'r tîm amlddisgyblaethol, fel y bo'n briodol. Felly, mae sgiliau cyfathrebu effeithiol a'r gallu i amlygu tosturi ac empathi yn ofynnol.

Bydd y swydd hon hefyd yn cynnwys rhai dyletswyddau gweinyddol, felly mae sgiliau rhifedd a llythrennedd da yn hanfodol. Yn gyfnewid am hyn, gallwn gynnig cyfnod sefydlu ffurfiol, mynediad at hyfforddiant a datblygiad, a'r cyfle i dreulio eich diwrnod gwaith yn teithio o amgylch ein sir hardd.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Yn ôl y gofyn, casglu samplau gwaed gan gleifion sy'n gaeth i'w cartrefi, a hynny trwy dynnu eu gwaed, a sicrhau bod y samplau hyn yn cael eu labelu'n gywir wrth baratoi i'w hanfon i labordai.

Gweithio heb oruchwyliaeth uniongyrchol i gefnogi'r Tîm Nyrsio Cymunedol, a rhoi gwybod i'r tîm nyrsio am unrhyw bryderon neu newidiadau mewn cyflwr.

Gweithio fel aelod o'r Tîm Nyrsio Cymunedol.

Bod yn gyfrifol am ddefnyddio adnoddau mewn modd effeithiol a phriodol.

Adnabod cleifion yn gywir cyn cymryd gwaed.

Rhoi gwybod i'r Meddyg Teulu, y Nyrs Gofrestredig, y Brif Nyrs neu'r Uwch-brif Nyrs am unrhyw anghysondeb rhwng y ffurflen gais a manylion y claf.

Er mwyn profi yn y gymuned, casglu samplau gwaed yn ôl y gofyn gan gleifion sy'n gaeth i'w cartrefi, a hynny trwy dynnu eu gwaed.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.