NursingNetUK

Trosolwg o'r swydd

MAE’R SWYDD HON AM GYFNOD PENODOL/SECONDIAD TAN 31.03.2025  OHERWYDD CYLLIDO.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Mae yna gyfnod cyffrous i ddod ar gyfer y Gwasanaethau Niwroddatblygiadol yng Ngorllewin Cymru ac, yn dilyn cyllid ychwanegol gan Lywodraeth Cymru, hoffem benodi dau Weithiwr Cymorth Niwrowahaniaeth Band 4 brwdfrydig a llawn cymhelliant i ymuno â Gwasanaeth Awtistiaeth Integredig Gorllewin Cymru, sy'n wasanaeth cyfeillgar a chynhwysol.

Rydym yn chwilio am unigolion brwdfrydig a dynamig a all weithio dan bwysau ac sydd â diddordeb mewn darparu gofal a chymorth cydweithredol o safon uchel i unigolion awtistig, pa un a oes ganddynt anawsterau iechyd meddwl a/neu ddysgu ysgafn ai peidio. Dylech feddu ar ddiddordeb gwirioneddol ym maes niwrowahaniaeth, ac angerdd dros wella bywydau oedolion niwrowahanol. Dylech fod ag ystod o sgiliau trosglwyddadwy, a dylech feddu ar awydd i ddatblygu eich gwybodaeth am awtistiaeth a niwrowahaniaeth, ynghyd â'ch sgiliau yn hynny o beth.

Byddwch yn gallu gweithio dan bwysau i ddarparu gofal a chymorth cydweithredol o safon uchel i unigolion awtistig.

Prif ddyletswyddau'r swydd

Mae Gweithwyr Cymorth Niwrowahaniaeth yn gweithio dan gyfarwyddyd a chyda chymorth clinigwyr cofrestredig yn y gwasanaeth, gan weithredu ar sail un-i-un a/neu grwpiau, a hynny'n rhithwir ac wyneb yn wyneb.

Bydd y rôl yn golygu sicrhau cymorth arbenigol niwrogadarnhaol uchel ei safon ac sy'n canolbwyntio ar yr unigolyn i ddefnyddwyr gwasanaethau, teuluoedd a gofalwyr.

Bydd gofyn i chi gyfrannu at y gwaith o asesu defnyddwyr y gwasanaethau a fydd yn ymgyflwyno â phroblemau sy'n effeithio ar eu gweithrediad beunyddiol, a hynny trwy gynnal asesiadau manwl sy'n canolbwyntio ar ganlyniadau ac sydd dan oruchwyliaeth cydweithiwr cofrestredig.

Bydd y rôl yn golygu cydweithio ag aelodau eraill y tîm ac ar draws asiantaethau a sectorau i gefnogi gweithrediad effeithiol yn achos cynlluniau gofal a chymorth.

Mae'r rôl yn gofyn i chi weithio'n annibynnol mewn amrywiaeth o gyd-destunau gwaith, gan gynnwys gwaith yn y gymuned ac yng nghartrefi'r unigolion.

Os ydych yn llawn cyffro ynghylch y gobaith o ymuno â gwasanaeth blaengar ac arloesol, byddem wrth ein bodd yn clywed gennych. 

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

47 o bractisau cyffredinol (6 ohonynt yn bractisau a reolir), 45 practis deintyddol (gan gynnwys 4 orthodontig), 96 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.