NursingNetUK

Trosolwg o'r swydd

Mae hon yn swydd cyfnod penodol/secondiad tan 30/09/2025.

Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Rydym yn chwilio am Fydwraig ddeinamig a brwdfrydig i ymuno â thîm craidd Bronglais.  Gweithio ar ward Gwenllian gyda thîm ymroddedig o fydwragedd ac obstetryddion i ddarparu gofal diogel o ansawdd uchel i bawb sy'n defnyddio'r uned. Byddwch yn cefnogi ac yn cynnal y gwasanaeth unigryw a ddarperir yn yr uned obstetreg fach.

Mae bydwraig yn gyfrifol am ei hymarfer ei hun ac felly bydd disgwyl i ddeiliad y swydd gynnal arbenigedd proffesiynol o safon uchel a sicrhau bod gofal bydwreigiaeth o'r ansawdd uchaf yn cael ei roi yn ystod y cyfnod cynenedigol.

Mae ein gwasanaeth mamolaeth yn newid ac yn esblygu'n barhaus i ddiwallu anghenion y boblogaeth a sicrhau bod menywod a'u teuluoedd yn cael profiad cadarnhaol wrth roi genedigaeth. Rydym yn dîm cyfeillgar a chefnogol iawn sy'n croesawu ffyrdd arloesol o weithio a syniadau newydd. 

Credwn yn gryf mai ein gweithwyr yw ein hased mwyaf gwerthfawr, rydym yn ymgysylltu â'n staff ac yn grymuso pawb, ar bob lefel, i drafod syniadau ac ysgogi newid i gynnig gwelliannau o ran ein gofal. Os byddwch yn ymuno â'n tîm byddwch yn cael hyfforddiant a datblygiad o ansawdd uchel i'ch helpu i dyfu yn eich gyrfa.

Prif ddyletswyddau'r swydd

Bydd disgwyl i chi:

Darparu arweinyddiaeth broffesiynol a mentora i fydwragedd llai profiadol a chymorth i gyd-weithwyr mewn tîm amlddisgyblaeth.

Darparu gofal cynenedigol i grŵp diffiniedig o fenywod a’u teuluoedd yn y clinig cynenedigol.

Cydweithredu a chysylltu â phob aelod o staff, y tîm gofal iechyd sylfaenol, a'r staff meddygol a bydwreigiaeth yn yr uned i geisio meithrin ysbryd tîm a sicrhau parhad gofal. Rhoi gwybodaeth i'r fam feichiog i'w galluogi i wneud dewis doeth ynglŷn â lleoliad a dull yr enedigaeth ac ynglŷn â'r gwasanaethau sydd ar gael.

Cynghori ar faterion Iechyd y Cyhoedd, e.e. rhoi’r gorau i ysmygu a hybu bwydo ar y fron. Cynghori rhieni a pherthnasau babanod sy'n cael eu geni ag annormaleddau neu rieni a pherthnasau sydd wedi cael profedigaeth, a gofalu amdanynt.

Bod yn gyfrifol am weithio mewn partneriaeth â'r fenyw a'i theulu gan sicrhau mai nhw yw prif ffocws eich gwaith.

Cadw cofnodion cyfredol, manwl yn unol â safonau'r Cyngor Nyrsio a Bydwreigiaeth a chanllawiau cadw cofnodion Bwrdd Iechyd Prifysgol Hywel Dda, gan gynnwys cofnodion manwl o'r arsylwadau a wnaed, y gofal a roddwyd a'r meddyginiaethau a roddwyd i fenyw neu fabi.

Mae gan fydwragedd ddyletswydd statudol o gyfrifoldeb i gadw at God y Cyngor Nyrsio a Bydwreigiaeth: Safonau Ymarfer Proffesiynol ac Ymddygiad, a'r Rheoliadau Cyffuriau Rheoledig.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion). 
Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.