Crynodeb o'r swydd
Teitl cyflogwr
Ymwelydd Iechyd
Gradd 6
Mae gwerthoedd Hywel Dda yn adlewyrchu pwy ydym ni a sut yr ydym yn ymddwyn. Rydym yn cyd-weithio’n barhaus i fod y gorau allwn fod wrth i ni ymdrechu i ddatblygu a darparu gwasanaethau rhagorol, gan roi pobl wrth galon popeth a wnawn. Trwy gydol ein proses recriwtio bydd gofyn i chi feddwl am sut y byddech chi’n byw y gwerthoedd hyn tra’n gweithio gyda ni.
Os ydych yn weithiwr Gofal Iechyd proffesiynol cofrestredig sy'n ystyried adleoli i ardal Hywel Dda yng Ngorllewin Cymru, mae croeso i chi gysylltu â'n tim ymgyrchoedd recriwtio yn uniongyrchol drwy [email protected]
I gael gwybod am ein gweithgarwch recriwtio diweddaraf, dilynwch ni ar Facebook (Swyddi Hywel Dda Jobs), LinkedIn neu ar Twitter @SwyddiHDdaJobs
Sylwer bod ychwanegiad dros dro ar gyfer Bandiau 1,2 a 3 i adlewyrchu ymgorffori'r ychwanegiad i’r cyflog byw, sef £12 yr awr - £23,465 y flwyddyn. Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2024/25 wedi’i gadarnhau.
Mae Bwrdd Iechyd Prifysgol Hywel Dda yn cadw'r hawl i gau swyddi gwag ar ôl 24 awr os derbynir nifer fawr o geisiadau addas. Rydym yn annog ceisiadau cynnar i sicrhau ystyriaeth am swydd.
Trosolwg o'r swydd
Mae gennym swydd wag i Ymwelydd Iechyd cymwys yn ardal Gogledd Ceredigion. Mae hon yn swydd barhaol.
Bydd deiliad y swydd yn gyfrifol am asesu anghenion iechyd ac am ddatblygu, cynnal a gwerthuso rhaglenni gofal i ddiwallu anghenion y plentyn a’i deulu yn unol a Rhaglen Plant Iach Cymru.
https://youtu.be/Xb5ksZWmXm8 |
https://youtu.be/ldBLsiL4ToA |
Prif ddyletswyddau'r swydd
Bydd angen i ddeiliad y swydd fod yn ymrwymedig i ddatblygu safonau gofal uchel a mynd ati i geisio a hyrwyddo perthnasoedd gwaith proffesiynol gydag ymarferwyr statudol a gwirfoddol eraill. Bydd deiliad y swydd yn angerddol dros hyrwyddo gwybodaeth a chyngor arbenigol i deuluoedd gan eu galluogi i arwain ffyrdd iach o fyw, atal salwch a rhoi’r dechrau gorau posib i’w plant.
Mae ymagwedd gadarnhaol at waith tîm yn hanfodol.
Er mwyn gwneud cais bydd angen i chi feddu ar gymhwyster Ymwelydd Iechyd a bod yn gofrestredig yn rhan briodol cofrestr yr NMC. Mae teithio yn rhan hanfodol o’r swydd hon, felly dangoswch eich gallu i fodloni’r main prawf hwn yn eich cais.
Bydd cyfleoedd ar gyfer hyfforddiant a datblygiad proffesiynol ynghyd â rhaglen o oruchwyliaeth glinigol.
Mae Hywel Dda yn bodloni’r meini prawf a osodwyd gan Lywodraeth Cymru yn y Rhaglen Plant Iach a’r Fenter Cyfeillgar i Fabanod.
Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.
Gweithio i'n sefydliad
Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:
Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;
Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;
48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;
Lleoliadau niferus yn darparu gwasanaethau iechyd meddwl ac anableddau dysgu;
Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.
Swydd ddisgrifiad a phrif gyfrifoldebau manwl
Gellir dod o hyd i ddisgrifiad swydd llawn a manyleb y person ynghlwm yn y dogfennau ategol ar y tudalen hon.
https://youtu.be/9wTeZD4cQOw |
Mae'r Bwrdd Iechyd yn ymrwymedig i gefnogi ei staff i gofleidio'r angen am ddwyieithrwydd, gan felly wella profiadau cleifion a defnyddwyr gwasanaethau. Yn rhan o'n hymrwymiad i gynyddu nifer y staff sy'n gallu cyfathrebu yn Gymraeg â chleifion a gweithwyr proffesiynol, rydym yn croesawu ceisiadau gan siaradwyr Cymraeg.
Mae'r gallu i gyfathrebu yn Gymraeg yn ddymunol ar gyfer y swydd hon. Os nad ydych yn bodloni'r gofynion a nodir o ran y Gymraeg, mae'r Bwrdd Iechyd yn cynnig amrywiaeth o opsiynau dysgu a chymorth i staff i'ch helpu i fodloni'r gofynion dymunol hyn yn ystod eich cyflogaeth gyda ni.
Mynediad ar unwaith i’n budd llesiant ariannol – Wagestream. Mae Wagestream yn adnodd ar gyfer bywyd bob dydd sy’n eich caniatáu i gael eich talu eich ffordd eich hun, a olrain eich cyflog mewn amser real, ffrydio hyd at 50% o’r cyflog rydych wedi ennill yn barod, dysgu awgrymiadau hawdd i reoli eich arian yn well ac arbed eich tâl yn syth o’ch cyflog.
Cynhelir y cyfweliadau ar 09/08/2024
Manyleb y person
Cymwysterau
Meini prawf hanfodol
- Diploma neu Dystysgrif Ymwelydd Iechyd Ol-raddedig mewn Nyrsio Iechyd y Cyhoedd
- Cofrestriad cyfredol byw gyda'r Cyngor Nyrsio a Bydwreigiaeth
- Presgripsiynu gan Nyrsys
Meini prawf dymunol
- Gradd mewn Nyrsio Iechyd y Cyhoedd
- Mentoriaeth
- Goruchwyliwr Clinigol
Profiad
Meini prawf hanfodol
- Dysgu mewn lleoliad clinigol
- Diogelu
- Gweithio aml-asiantaeth
Meini prawf dymunol
- Gweithio mewn partneriaeth
- Hwyluso gwaith grwp
Gwybodaeth
Meini prawf hanfodol
- Dealltwriaeth fanwl o agenda a blaenoriaethau iechyd y cyhoedd
- Y gallu i gymhwyso a gweithredu'r strategaeth leol
- Dealltwriaeth o'r agenda Llywodraethu clinigol
- Gweithdrefnau Amddiffyn Plant Cymru Gyfan (2008) ynghyd ag ymarfer
- Gwybodaeth fanwl am ymarfer ac ysgogwyr strategol Ymwelwyr Iechyd
- Rhaglen Plant Iach Cymru (2015)
Meini prawf dymunol
- Diogelu Lefel 3
Sgiliau Iaith
Meini prawf dymunol
- Siaradwr Cymraeg (Lefel 1)
Gofynion ymgeisio
Rhaid i chi gael cofrestriad proffesiynol priodol yn y DU.
Mae'r swydd hon yn ddarostyngedig i Orchymyn Deddf Adsefydlu Troseddwyr 1974 (Eithriadau) 1975 (Diwygio) (Cymru a Lloegr) 2020 a bydd angen cyflwyno Datgeliad i'r Gwasanaeth Datgelu a Gwahardd.
Mae sgiliau iaith Gymraeg yn ddymunol
Dogfennau i'w lawrlwytho
Rhagor o fanylion / cyswllt ar gyfer ymweliadau anffurfiol
- Enw
- Sian Jones
- Teitl y swydd
- Team Leader
- Cyfeiriad ebost
- [email protected]
- Rhif ffôn
- 07980278826
Rhestr swyddi gyda Bwrdd Iechyd Prifysgol Hywel Dda yn Nyrsio a bydwreigiaeth