NursingNetUK

Trosolwg o'r swydd

Mae'r swydd hon yn swydd cyfnod penodol/secondiad tan 31/03/2026.

Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Mae cyfle cyffrous wedi dod ar gael i Weithiwr Cymorth Gofal Iechyd Band 3 yn y Tîm Nyrsys Cymunedol yn ardal Aberaeron, Newquay a Llanbedr Pont Steffan.

Bydd gan yr ymgeisydd llwyddiannus sgiliau cyfathrebu da, a bydd yn amlygu parodrwydd i ddatblygu yn rôl y Gweithiwr Cymorth Gofal Iechyd. Dylai'r ymgeisydd fod yn barod i weithio mewn modd hyblyg yn y tîm, a hynny dan oruchwyliaeth y nyrsys cymwys.

Prif ddyletswyddau'r swydd

Yn gyfnewid am hyn, bydd yr ymgeisydd llwyddiannus yn cael y cyfle i ymuno â thîm cymunedol dynamig, ac i ddatblygu sgiliau a gwybodaeth trwy hyfforddiant, cefnogaeth a goruchwyliaeth.

Yn rôl yr Uwch-weithiwr Cymorth Gofal Iechyd, byddwch yn gyfrifol am ddarparu gofal nyrsio costeffeithiol, o safon uchel, a hynny dan oruchwyliaeth Arweinydd y Tîm neu'r cynrychiolydd dirprwyedig.

Byddwch yn sicrhau bod cleifion yn cael safonau gofal diogel, unigol ac effeithiol, a hynny trwy ddilyn cynlluniau gofal ac ymyriadau o ran triniaeth yn ôl cyfarwyddyd Arweinydd y Tîm. 

Er y byddwch bob amser yn gweithredu yn unol â chyfarwyddyd y nyrs sy'n gyfrifol am y llwyth achosion, dylech fod yn gymwys i weithio heb oruchwyliaeth uniongyrchol, a hynny o fewn fframwaith y cytunwyd arno gan Arweinydd y Tîm. 

Byddwch yn cyfathrebu mewn modd effeithiol bob amser, ac ar y cyd ag aelodau eraill y tîm. Byddwch yn esiampl i fyfyrwyr nyrsio.

Mae'r gallu i deithio rhwng safleoedd mewn modd amserol yn hanfodol.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Cynhelir y cyfweliadau ar 19/07/2024.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.