NursingNetUK

Trosolwg o'r swydd

Mae cyfle cyffrous wedi codi ar gyfer swydd Nyrs Seiciatrig Gymunedol Band 5 yng Ngwasanaeth Camddefnyddio Sylweddau Sir Ddinbych.

Bydd yr ymgeisydd llwyddiannus yn gyfrifol am ddarparu ymyriadau asesu a thriniaeth cynhwysfawr i unigolion sy'n camddefnyddio sylweddau, gan gynnwys asesu risg, gofal cymdeithasol ac effeithiau seicolegol ar unigolion syss yn camddefnyddio sylweddau. Hefyd i weithio fel ymarferydd ymreolaethol mewn lleoliadau cymunedol gan gynnwys cartrefi defnyddwyr y gwasanaeth. Bydd deiliad y swydd yn rheoli achosion ac yn cefnogi unigolion trwy eu triniaeth o fewn y gwasanaeth. Byddant hefyd yn gyfrifol am oruchwylio aelodau staff iau a chefnogi eu datblygiad.

Prif ddyletswyddau'r swydd

Sylwch ar gyfer myfyrwyr Cymru, rhaid i chi wneud cais trwy Symleiddio lle gellir dod o hyd i’r holl swyddi sydd ar gael.

Bydd gan ddeiliad y swydd wybodaeth a phrofiad o ymyriadau a thriniaeth camddefnyddio sylweddau a bydd gofyn iddynt ddefnyddio sgiliau cyfathrebu effeithiol i ymgysylltu, cymell a chynnal parhaus o gysylltiad gyda defnyddwyr y gwasanaeth ac i fod yn gyfrifol am ddatblygu a gwerthuso rhaglenni triniaeth fel sy'n briodol. Bydd strwythr ac anghenion unigolion yn caeu eu trafod yn y cyfweliad. Disgwylir i ddeiliad y swydd weithio gyda defnyddwyr gwasanaeth camddefnyddio alcohol a chyffuriau. Gofynnir i ymgeiswyr ddefnyddio'r adran "Gwybodaeth Ategol" ar y ffurflen gais i nodi eu rhesymau dros wneud cais a'u haddasrwydd, gan gyfeirio at  fanyleb person, ar gyfer y swydd hon.

Mae’r gallu i siarad Cymraeg yn ddymunol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg