NursingNetUK

Trosolwg o'r swydd

Mae cyfle wedi codi i ymuno â’r Gwasanaeth Nyrsio Ardal sy’n cynnwys staff llawn cymhelliant yn ardal leol Conwy. Bydd y rôl yn gofyn i’r ymgeisydd llwyddiannus gefnogi’r tîm nyrsio ardal i ofalu am y rhai sy’n byw yn y gymuned y mae angen gofal nyrsio arnynt. Mae’r swydd yn gofyn i’r ymgeisydd llwyddiannus fod wedi ennill ei gymhwyster NVQ Lefel III neu i fod yn gweithio tuag at ei ennill.

Dylai ymgeiswyr fod yn frwdfrydig gydag ymwybyddiaeth o’r angen i foderneiddio’r gwasanaeth a chydag ymrwymiad yn hynny o beth. Dylai fod yn gallu gweithio’n dda yn y tîm ac ar ei ben ei hun hefyd.

Mae’n rhaid i chi allu teithio rhwng cartrefi cleifion mewn trefi ac mewn ardaloedd gwledig yn brydlon ac mae’r gallu i siarad Cymraeg yn ddymunol.

Prif ddyletswyddau'r swydd

Gofal cleifion uniongyrchol fel y cafodd ei ddyrannu gan nyrs gymwys ar ôl hyfforddiant priodol ac o fewn fframwaith cynllun gofal a weithredwyd ac a ailaseswyd gan nyrs gofrestredig. Trefnu tasgau mewn ffordd hyblyg ac yn dibynnu ar flaenoriaeth anghenion.

Help a chefnogaeth i’r claf i gynnal ansawdd bywyd derbyniol.

Cadw dogfennaeth gywir a dealladwy yn unol â pholisi’r Bwrdd Iechyd, gan sicrhau cyfrinachedd bob amser.

Archebu HSDU, storfeydd, gwirio nwyddau sy’n cael eu danfon, gan sicrhau fod adnoddau’n cael eu defnyddio’n effeithlon.

Helpu gydag unrhyw ddyletswyddau clercyddol fel bo’n briodol.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.