Trosolwg o'r swydd

Mae cyfle cyffrous wedi codi i recriwtio Gweithiwr Cymorth Gofal Iechyd Generig Band 3 yn gweithio 24 awr yr wythnos yn Sir y Fflint. Ethos y Tîm Adnoddau Cymunedol yw canolbwyntio ar gefnogi cleifion adref yn gynt o'r ysbyty gyda phecyn gofal unigol i ddiwallu eu hanghenion.

Mae'r oriau gwaith yn amrywiol, gan gwmpasu rhwng 8am a 10pm a byddant yn cynnwys gweithio ar benwythnosau a Gwyliau Banc. Mae ardal ddaearyddol hyn gynnwys Sir y Fflint i gefnogi angenhenion y gwasanaeth.

Rydym yn chwilio am ymgeiswyr ag etheg waith gref i ddarparu gofal o safon ragorol gyda'r gwerthoedd cywir ar gyfer y rôl hon. Cefnogir ymsefydlu llawn i'r swydd ac mae cyfleoedd gwych i ddatblygu gyrfa a'r cyfle i ddatblygu sgiliau ychwanegol fel venepuncture a chofnodi arsylwadau clinigol cleifion yn dilyn hyfforddiant a chymwyseddau. 

Prif ddyletswyddau'r swydd

Bydd rôl y Gweithiwr Cymorth Gofal Iechyd Generig yn cynnwys cynorthwyo cleifion sydd angen gofal a chefnogaeth i aros yn annibynnol yn eu cartrefi eu hunain gyda gweithgareddau bywyd bob dydd fel golchi a gwisgo, paratoi prydau bwyd ac annog rhoi meddyginiaeth. Mae'r rôl yn cynnwys gweithio mewn partneriaeth â'r tîm amlddisgyblaethol deinamig ac asiantaethau allanol i ddiwallu anghenion unigolion.

Bydd deilydd y swydd yn gweithio fel rhan o dîm Gofal Iechyd Cymunedol Amlddisgyblaethol Integredig. Bydd yn gyfrifol am wneud gwaith dynodedig, bydd llawer o hwn yn ofal cleifion uniongyrchol. Bydd y gofal hwn yn cael ei ddirprwyo gan staff hyfforddedig a bydd disgwyl i ddeilydd y swydd weithio dan oruchwyliaeth anuniongyrchol staff hyfforddedig. 

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.