NursingNetUK

Trosolwg o'r swydd

Ydych chi yn Nyrs Iechyd Meddwl yn chwilio am sialens newydd a chyffrous?

Rydym yn chwilio am nyrs band 6 i ymuno gyda ni yn nhim iechyd meddwl pobl hyn de Gwynedd.  Bydd y person llwyddiannus llawn brwdfrydedd a chymhelliant, yn barod i weithio yn hyblyg, ac yn awyddus i wella gwasanaethau i phobl gyda dementia.  Fel cydlynydd gofal, bydd deilydd y swydd yn gweithio yn agos gydag asiantaethau eraill megis gwasanaethau cymdeithasol i gefnogi pobl yn eu cymuned, boed hynny yn eu cartref, yn yr ysbyty neu mewn cartref gofal. Contract parhaol, llawn amser, wedi ei lleoli yn Uned Meirion, Ysbyty Dolgellau.

 Mae’r gallu i siarad Cymraeg yn ddymunol i’r swydd yma

Prif ddyletswyddau'r swydd

Darparu gwasanaethau nyrsio seiciatrig cynhwysfawr drwy fod yn rhan o'r drafodaeth a dyrannu cyfeiriadau at y Tîm Iechyd Meddwl Cymuned.Yn gyfrifol am gydlynu gofal baich achosion penodol o gleientiaid â phroblemau iechyd meddwl cynhenid a gweithredol.Sicrhau y cedwir at Gynlluniau Gofal a Thriniaeth a phrotocolau rheoli gofal a bod safonau yn cael eu bodloni yn unol â Mesur Iechyd Meddwl (Cymru) 2010.

Fel cydlynydd gofal, byddwch chi’n gyfrifol am asesiadau'n seiliedig ar dystiolaeth o anghenion corfforol, seicolegol, ysbrydol a chymdeithasol cleientiaid, gan ystyried a pharchu ethnigrwydd, ar gyfer llwyth gwaith diffiniedig. Sicrhau bod asesiad risg cynhwysfawr yn cael ei gwblhau a’i ddogfennu ar gyfer bob maes risg gwirioneddol a phosibl h.y. hunan niweidio a niwed i eraill, esgeulustod, ecsploetiaeth a bregysrwydd.  Rhoi gwybod a chydweithio â gweithwyr proffesiynol eraill (os yn briodol) er mwyn rheoli risg yn gadarnhaol a chynnal annibyniaeth gorau posibl y cleient.

 Fel cydlynydd gofal, byddwch yn gyfrifol am ffurfio a datblygu safonau a chynlluniau gofal cymhleth yn canolbwyntio ar ganlyniadau, ar y cyd â chleientiaid ac yn unol â Mesur Iechyd Meddwl (Cymru) 2010.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.