Trosolwg o'r swydd

Mae cyfle wedi codi ar gyfer Nyrsys Staff dros dro (Band 6) i ymuno â'r tîm nyrsio ar yr Uned Plant am 12 mis i dalu am absenoldeb mamolaeth.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Rydym yn chwilio am staff brwdfrydig ac ysgogol sydd ag angerdd i weithio â phlant a’u teuluoedd.

Mae gan yr Uned Plant 19 gwely i gleifion mewnol yn cynnwys 1 gwely Dibyniaeth Fawr, 3 gwely Gofal Uwch.

Mae gennym hefyd 6 gwely uned Asesu, 6 gwely achos dydd meddygol/llawfeddygol a 2 gwely Oncoleg.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

• Sicrhau rheolaeth a threfniadaeth effeithiol o'r Uned yn absenoldeb Rheolwr y Ward.
• Bydd deiliad y swydd yn gyfrifol am asesu anghenion gofal a datblygu, gweithredu a gwerthuso cynlluniau gofal arbenigol i'r holl blant a phobl ifanc a dderbynnir i'r Uned.
• Darparu cyngor hynod arbenigol i staff meddygol, staff nyrsio, teuluoedd, y cyhoedd a gweithwyr proffesiynol eraill.
• Addysgu a goruchwylio nyrsys cofrestredig ac anghofrestredig yn ogystal â gweithwyr proffesiynol eraill ar yr uned gan gynnwys staff meddygol.

Cydweithio a chydweithredu ag eraill i fodloni anghenion plant, pobl ifanc a theuluoedd a chynnwys y tîm diogelu, gwasanaethau cymdeithasol ac uwch-staff meddygol. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol a’n Gwerthoedd Sefydliadol a’n fframwaith galluedd 'Balch o Arwain'.

 Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

 Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

 Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.