NursingNetUK

Trosolwg o'r swydd

A ydych yn unigolyn cofrestredig profiadol a deinamig sydd ag angerdd dros addysg a datblygiad staff? Os felly, mae cyfle cyffrous yn aros amdanoch chi i ymuno â’n Tîm Addysg. Bydd hwn yn gyfle gwych i ddatblygu eich gwybodaeth a’ch sgiliau ymhellach a gweithio mewn partneriaeth â Phrifysgolion, Colegau a Chymunedau Iechyd i gefnogi darpariaeth gofal diogel o safon uchel trwy addysg a datblygiad y gweithlu.

Rydym yn chwilio am unigolyn cofrestredig ymroddedig sy’n gallu dangos sgiliau arwain a rheoli clinigol cryf, sydd â’r gallu i gyfathrebu’n effeithiol ar draws timau amlbroffesiynol. Bydd yr ymgeiswyr llwyddiannus yn gweithredu fel ymarferydd arbenigol ac fel esiampl, gan ddarparu cyngor a chefnogaeth ar ddatblygiad gyrfa a chyfleoedd addysg a bydd gofyn iddynt ddatblygu a chyflwyno rhaglenni addysg i fodloni polisi cenedlaethol a lleol, safonau proffesiynol a gofynion gwasanaethau lleol. Bydd yr ymgeiswyr llwyddiannus yn gyfrifol am reoli’r tîm addysg sydd wedi’u lleoli ar draws y Bwrdd Iechyd.

Prif ddyletswyddau'r swydd

Bydd deilydd y swydd yn ymgymryd â rôl arweiniol ynghylch nifer o ffrydiau gwaith penodol sy'n ymwneud â'r portffolio, a bydd yn cydweithio â chymunedau iechyd er mwyn gweithredu rhaglenni gwaith sy'n cyd-fynd ag amcanion cenedlaethol ac amcanion y Bwrdd Iechyd cyfan.

Bydd y swydd yn effeithio ar ei phwrpas trwy gymhwyso egwyddorion allweddol datblygu, addysg ac ymarfer proffesiynol, trwy roi sylw i wella gofal a diogelwch cleifion gan fabwysiadu ystod o ddulliau gan weithio'n bennaf yn y lleoliad addysg ac ymarfer a chefnogi staff yn y lleoliad hwnnw. Gall hyn gynnwys ymgorffori meysydd aml-broffesiynol eraill a ddiffinnir gan y Bwrdd Iechyd.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.