NursingNetUK

Trosolwg o'r swydd

Mae’r swydd hon am Gyfnod penodol/Secondiad am 12 mis cwrdd gofynion y gwasanaeth.

Dyma gyfle cyffrous i nyrs iechyd meddwl Gradd 5 llawn amser ymuno â Thîm Iechyd Meddwl Amenedigol Gogledd Cymru sydd wedi'i leoli ar hyn o bryd yn Uned Seiciatryddol Ablett, Ysbyty Glan Clwyd.  Mae'r tîm yn wasanaeth rhanbarthol arbenigol ac mae'n ehangu a datblygu'n unol â'r Safonau Ansawdd Amenedigol ar gyfer Gwasanaeth Iechyd Meddwl Amenedigol Cymunedol. Byddwch fel rhan o'ch swydd, yn cael eich annog i gyfrannu at fentrau datblygu gwasanaeth a gwella ansawdd.  Bydd deilydd y swydd hefyd yn cael cyfle i gymryd rhan mewn hwyluso grwpiau therapiwtig a hyfforddiant sy'n ymwneud ag Iechyd Meddwl Amenedigol i weithwyr proffesiynol eraill.

Rydym yn chwilio am ymarferydd brwdfrydig, llawn cymhelliant a phrofiadol sydd yn angerddol dros weithio mewn gwasanaeth iechyd meddwl arbenigol, gweithio gyda menywod/rhieni sydd ag anghenion iechyd meddwl cymhleth cymedrol uwch a difrifol. Byddwch yn cydweithio â'r tîm amlddisgyblaethol gan gynnig asesiadau, creu cynlluniau gofal a thriniaeth a gweithredu ymyriadau priodol sy'n seiliedig ar dystiolaeth.  Bydd gofyn i chi reoli llwyth achosion o ferched, cymryd rhan yn system brysbennu'r tîm a rhoi cyngor ac arweiniad i'r sawl sy'n cyfeirio ac i asiantau proffesiynol eraill.   

Prif ddyletswyddau'r swydd

Bydd deilydd y swydd yn aelod o’r Gwasanaethau Iechyd Meddwl Amenedigol Cymunedol Arbenigol, yn gweithio’n agos â’r tîm amlddisgyblaethol. Bydd y cyfrifoldebau’n cynnwys cynnal llwyth achosion clinigol bychan a chynnal asesiadau o broblemau cymhleth iawn a fydd yn galw am ddadansoddi, dehongli a chymharu ystod o ddatrysiadau. Bydd y rôl yn cynnwys cynnal safonau clinigol yn unol â’r fframwaith llywodraethu. 

Bydd deilydd y swydd yn arwain y gwaith o gynllunio a datblygu pecynnau hyfforddiant staff ar gyfer Gwasanaethau Iechyd Meddwl Amenedigol Cymunedol Arbenigol a bydd yn cyflawni gwaith ymchwil a datblygu yn rheolaidd, yn cynnwys gwerthuso effaith hyfforddiant staff, a’r rhaglen ymchwil ffurfiol, sef gwerthuso’r canlyniadau clinigol a gyflawnir gan y Gwasanaethau Iechyd Meddwl Amenedigol Cymunedol Arbenigol. 

Bydd deilydd y swydd yn cyfrannu at ddatblygiad a gweithredu cynllunio strategol a datblygu’r gwasanaeth iechyd meddwl yn y Gwasanaethau Iechyd Meddwl Amenedigol Cymunedol Arbenigol. Byddant yn cymryd rhan lawn yn y gweithgareddau proffesiynol nyrsio yn yr is-adran, ennill rhagor o brofiad o faterion proffesiynol a bod yn gyfarwydd â’r meddylfryd strategol cyfredol yn y Gwasanaeth Iechyd Gwladol yn gyffredinol, ac Iechyd Meddwl yn benodol. 

Mae’r gallu siarad Cymraeg yn ddymunol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.