NursingNetUK

Trosolwg o'r swydd

Bydd Arweinydd y Tîm yn gyfrifol am reoli Tîm Gofal Iechyd Parhaus y GIG, yn ogystal â chydgysylltu'r systemau a'r prosesau sy'n berthnasol i Ofal Iechyd Parhaus y GIG. 

Mae ein Nyrsys Arbenigol Gofal Hirdymor, a arferai gael eu galw'n Aseswyr Nyrsio, 'nawr hefyd yn darparu cymorth trwy Lwybr Gofal Hirdymor, sy'n golygu cefnogi gofal eilaidd gyda phrosesau Gofal Iechyd Parhaus y GIG a Gofal Nyrsio a Ariennir gan y GIG. Bwriad y llwybr hwn yw sicrhau cyfnod pontio mwy llyfn, sy'n canolbwyntio ar y claf, rhwng digwyddiad acíwt a'r broses o gynllunio ar gyfer rhyddhau, ac yna lleoli mewn Cartref Nyrsio.

Mae dealltwriaeth lawn o Feini Prawf Gofal Iechyd Parhaus y GIG, ynghyd â gwybodaeth am Ofal Nyrsio wedi'i Ariannu, yn ddymunol, ond gellir meithrin y ddealltwriaeth a'r wybodaeth hon ar ôl i'r unigolyn gael ei benodi.

Bydd y cyfrifoldebau yn cynnwys craffu ar geisiadau am Ofal Iechyd Parhaus y GIG yn ôl y meini prawf ar gyfer ariannu, gan gyfeirio 'nôl at y sawl a gyflwynodd y cais gydag ymholiadau/materion; mynychu cynadleddau achos/adolygu i drafod pecynnau newydd a chyfredol; rheoli trafodaethau cymhleth a negodi atebion, fel y bo'n briodol, gan ystyried y goblygiadau/risgiau clinigol ac ariannol, fel ei gilydd, i'r cleient ac i'r Bwrdd Iechyd Lleol; darparu rheolaeth ddyddiol i dîm o Nyrsys Arbenigol Gofal Hirdymor band 6, sy'n cynnwys materion yn ymwneud ag adnoddau dynol a mecanwaith ar gyfer adrodd i'r uwch-reolwyr.

Prif ddyletswyddau'r swydd

A ydych chi'n Nyrs Gyffredinol lefel gyntaf neu'n Nyrs Iechyd Meddwl Gofrestredig â phrofiad amrywiol sy'n chwilio am yr her newydd hon? Os felly, mae cyfle cyffrous wedi codi ar gyfer swydd Arweinydd y Tîm Nyrsys Arbenigol Gofal Hirdymor gyda'r Tîm Gofal Hirdymor ym Mwrdd Iechyd Hywel Dda.

Bydd yr unigolyn yr ydym yn chwilio amdano yn Nyrs brofiadol frwdfrydig, sy'n meddu ar sgiliau arwain a chyfathrebu rhagorol ac yn mwynhau her. Mae gennym dîm o Nyrsys Arbenigol Gofal Hirdymor sy'n gweithio'n agos gyda nifer o weithwyr proffesiynol eraill.

Mae Bwrdd Iechyd Prifysgol Hywel Dda yn lle dynamig ac arloesol i fod ynddo, ac mae'r un peth yn wir am y rôl hon. Bydd Arweinydd y Tîm yn gyfrifol am reoli Tîm Gofal Iechyd Parhaus y GIG, yn ogystal â chydgysylltu'r systemau a'r prosesau sy'n berthnasol i Ofal Iechyd Parhaus y GIG. Mae'r tîm ei hun yn gyfrifol am reoli meini prawf Gofal Iechyd Parhaus y GIG ledled y Bwrdd Iechyd, yn ogystal â monitro'r bobl sy'n gymwys i gael Gofal Iechyd Parhaus y GIG mewn amgylcheddau cartrefi gofal. Bydd deiliad llwyddiannus y swydd yn gyfrifol am gynorthwyo'r arweinydd Strategol a Gweithredol Uwch ar gyfer Gofal Iechyd Parhaus y GIG, ac am gynorthwyo gyda'r gwaith o newid a gweithredu polisïau.

Gall lleoliad y gwaith fod yn naill ai Caerfyrddin neu Llanelli, ond gall hynny newid. Fodd bynnag, weithiau bydd angen i chi allu teithio ledled ardal gyfan Hywel Dda.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.